Hyfforddiant ar seibergadernid ar gael ar gyfer y sector gofal cymdeithasol
Mae cyllid ar gyfer yr hyfforddiant wedi cael ei ddarparu gan Lywodraeth Cymru.
Yn ystod y 12 mis diwethaf, mae sefydliadau'r DU ar y cyd wedi profi cynnydd yn nifer yr ymosodiadau seiber.
O ganlyniad, mae Llywodraeth Cymru wedi darparu cyllid i sicrhau bod staff y sector gofal cymdeithasol ledled Cymru yn cael hyfforddiant ar seibergadernid ar Cyber Ninjas (Dolen allanol).
Mae'r rhaglen, sydd wedi cael ei gwirio gan y Ganolfan Seiberddiogelwch Genedlaethol, yn cynnwys gwerth dwy awr o wersi ar-lein wedi'u rhannu'n fodiwlau, gan gwmpasu pynciau megis ymosodiadau seiber, gwe-rwydo a hacio.
Mae Canolfan Seibergadernid Cymru (WCRC) (Dolen allanol) yn gweithio ochr yn ochr â Llywodraeth Cymru i sicrhau y gall sefydliadau gofal cymdeithasol brynu trwyddedau Cyber Ninja. Am ragor o wybodaeth ac i gofrestru staff ar y rhaglen hyfforddi, cysylltwch â thîm yr WCRC (Dolen allanol).