Mae canlyniadau ein cynllun peilot ar gyfer cyfarfodydd gwella gofal plant a chwarae bellach ar gael...
Yn ystod mis Chwefror 2023, gwnaethom ofyn i wirfoddolwyr o'r sector gofal plant a chwarae gymryd rhan mewn cynllun peilot ar gyfer ein cyfarfodydd gwella newydd.
Lansiwyd y cynllun peilot ar gyfer cyfarfodydd gwella ym mis Ebrill 2023 ac roedd ar waith hyd at ddiwedd mis Mehefin 2023.
Roeddem wrth ein bodd bod 90 o ddarparwyr wedi rhoi o'u hamser i gymryd rhan yn y cynllun peilot a ddechreuodd ym mis Ebrill 2023, a gallwn bellach rannu canlyniadau'r gwerthusiad â chi.
Beth yw cyfarfod gwella?
Cynhelir cyfarfod gwella rhwng arolygiadau ac mae'n rhoi'r cyfle i ddarparwyr rannu unrhyw welliannau y maent wedi'u gwneud ers eu harolygiad diwethaf â ni. Mae hefyd yn ystyried sut maent wedi ymateb i unrhyw achosion o ddiffyg cydymffurfio neu argymhellion.
Canfyddiadau
- cynhaliwyd 60 o gyfarfodydd gwella.
- nododd 96% o ddarparwyr fod y canllawiau a ddarparwyd iddynt cyn y cyfarfod yn glir ac yn hawdd eu deall.
- roedd 91% o ddarparwyr yn teimlo eu bod yn gallu datblygu ansawdd eu gwasanaeth yn sgil y cyfarfod gwella.
- ychydig o dan awr oedd isafswm hyd cyfarfod gwella.
- cafodd 57% o wasanaethau eu cyfeirio at adnoddau defnyddiol.
Y camau nesaf
Byddwn yn rhoi'r wybodaeth ddiweddaraf i chi am sut rydym yn bwriadu cyflwyno'r cyfarfodydd gwella i bob darparwr gofal plant a chwarae yn ddiweddarach yn 2024.