Rydym am glywed eich barn cyn ein harolygiad Adran 5 ar y cyd cyntaf yn Rhondda Cynon Taf

Daeth y diwygiadau i Adran 5 Gweithdrefnau Diogelu Cymru i rym ym mis Mehefin 2026.  Maent yn nodi sut y dylai sefydliadau ymateb i honiadau/pryderon sy'n ymwneud â phobl mewn safle o ymddiriedaeth.  

Cadarnhawyd mai Rhondda Cynon Taf fydd lleoliad yr arolygiad cyntaf o dan y rhaglen arolygu ar y cyd newydd, sy'n dwyn ynghyd Arolygiaeth Gofal Cymru, Estyn a HMICFRS i asesu sut mae sefydliadau'n cydweithio i roi'r gweithdrefnau diwygiedig ar waith.

Cyn i'r arolygiad gael ei gynnal, rydym am glywed gan unrhyw un sydd â barn ar sut mae'r gweithdrefnau diwygiedig hyn yn cael eu rhoi ar waith.  

Rydym wedi lansio arolwg byr, dienw sy'n cymryd tua deg munud i'w lenwi.

• Cwblhewch ein harolwg (Dolen allanol)

Rydym hefyd yn awyddus i glywed gan blant a phobl ifanc yn Rhondda Cynon Taf am eu profiadau o ddiogelu yn yr ysgol. Gall plant a phobl ifanc rannu eu barn drwy gwblhau un o’r arolygon hyn:

• Cwblhau’r arolwg ‘Diogel ac yn Hapus yn yr Ysgol’ (5–11 oed) (Dolen allanol)
• Cwblhau’r arolwg  ‘Diogelwch, Cymorth ac Ymddiriedaeth – Eich Profiad’ (11–16 oed) (Dolen allanol)
• Cwblhau’r arolwg hawdd ei ddeall (Dolen allanol)

Angen siarad â rhywun? Cysylltwch â Meic

Rydym yn gwybod y gall meddwl neu siarad am y pynciau hyn amlygu teimladau, meddyliau, atgofion a phrofiadau anodd.  Os ydych yn blentyn ac mae arnoch angen rhywun i siarad ag ef am hyn, neu help i gwblhau'r arolwg, gallwch gysylltu â Meic:

•    Ffôn a Neges WhatsApp: 080 880 23456
•    Neges Destun: 07943 114 449
•    Sgwrs Ar-lein: www.meic.cymru (Dolen allanol)

Bydd unrhyw beth a gaiff ei rannu â Meic yn cael ei drin yn gyfrinachol ac yn ddienw yn unol â'i bolisïau a gweithdrefnau (Dolen allanol). Ni fydd gwybodaeth bersonol yn cael ei rhannu â'r tîm arolygu.