Cartref Gofal Cantref

Mae Cartref Gofal Cantref yn y Fenni wedi darparu gofal tosturiol i bobl hŷn ers 1986. Mae'r cartref yn cefnogi hyd at 21 o breswylwyr 65 oed a throsodd â thîm o 30 o staff. Cydnabu'r tîm mai dewis gofal preswyl yw'r un o'r penderfyniadau anoddaf y gall teuluoedd ei wynebu, felly aeth ati i greu ffordd i deuluoedd gefnogi ei gilydd ar hyd y daith hon.

Gofynnodd Cantref i deuluoedd presennol a fyddent yn fodlon siarad â theuluoedd a oedd yn ystyried y cartref. Roedd yr ymateb yn eithriadol. Mae bellach gan y gwasanaeth dîm o aelodau o deuluoedd sy'n rhannu eu profiad. Mae'r dull yn cynnwys:

• Cymorth teulu-i-deulu, lle mae perthnasau yn rhannu eu pryderon a'u hemosiynau, ac yn rhoi sicrwydd i eraill bod y teimladau hyn yn normal
• Safbwyntiau gonest yn deillio o brofiad bywyd, gyda theuluoedd yn deall y sefyllfa mewn ffyrdd na all y staff ei deall
• Tryloywder ac ymddiriedaeth, gyda'r staff yn rhoi'r wybodaeth ddiweddaraf i deuluoedd ac yn eu cynnwys mewn penderfyniadau, gan feithrin ymddiriedaeth drwy gydberthnasau hirsefydlog
• Ymestyn yr 'ymdeimlad teuluol' wrth i deuluoedd newydd ymuno â chymuned sefydledig lle gallant fynd at y staff ar unrhyw adeg

• Sicrwydd emosiynol i deuluoedd sy'n cael cymorth gan bobl sydd wir yn deall
• Llai o euogrwydd a phryder drwy glywed am brofiadau pobl eraill, gan normaleiddio teimladau anodd
• Amgylchedd mwy heddychlon i'r preswylwyr, oherwydd pan fo teuluoedd yn teimlo'n fodlon, mae'r preswylwyr yn synhwyro hynny
• Cymuned o eiriolwyr sy'n tyfu, gyda theuluoedd yn barod i gefnogi ei gilydd ar hyd y daith hon
• Enw rhagorol, gydag un teulu yn sôn bod rhywun wedi disgrifio Cantref fel "y cartref gofal gorau roedd erioed wedi bod iddo"

"Yng nghartref Cantref, nid diwallu anghenion yw unig ddiben gofal - mae'n ymwneud hefyd ag ymddiriedaeth, gonestrwydd, a'r ymdeimlad teuluol rydym yn ei rannu â'r preswylwyr, perthnasau a'r staff.”