Heddiw rydym wedi cyhoeddi llythyr sy'n crynhoi canfyddiadau ein gweithgarwch monitro ym mis Tachwedd 2021 a wnaed ar gyfer gwasanaethau cymdeithasol plant Wrecsam
Bwriad y gweithgarwch monitro yw rhoi sicrwydd bod gwasanaethau cymdeithasol plant Wrecsam yn parhau i fod ar daith gadarnhaol o ran gwelliant.
Ym mis Tachwedd, bu inni fonitro gwasanaethau cymdeithasol plant Cyngor Bwrdeistref Sirol Wrecsam i fynd ar drywydd canfyddiadau ein harolygiad ym mis Hydref 2020, a ganfu bod gwasanaethau yn parhau i fod yn annigonol gyda dangosyddion cynnar o welliant. Mae hynny'n golygu bod gwasanaethau yn methu'n gyson i fodloni dyletswyddau statudol, ond nad oedd y plant heb gymorth ac nad oeddent mewn perygl uniongyrchol o niwed na chamdriniaeth.
Mae cyhoeddiad heddiw yn rhan o'n gwaith parhaus o fonitro Cyngor Bwrdeistref Sirol Wrecsam, ac mae'n dilyn ymlaen o'n hadolygiad ym mis Ebrill 2021.
O'r dystiolaeth a gasglwyd yn ystod yr adolygiadau hyn, ein barn yw bod gwasanaethau cymdeithasol plant Wrecsam yn parhau i wneud gwelliannau.
Rydym wedi tynnu sylw'r awdurdod lleol at ein canfyddiadau. Byddwn yn monitro cynnydd drwy weithgarwch gwerthuso perfformiad parhaus. Ein bwriad yw ymgymryd ag arolygiad dilynol pellach yn 2022.
I weld ein canfyddiadau a'n hargymhellion, darllenwch y llythyr llawn isod.