Newidiadau i'n proses ar gyfer arolygu awdurdodau lleol

Fel rhan o'n gwaith i foderneiddio a gwella ein prosesau yn barhaus, byddwn yn atgyfnerthu ein dull lle bydd angen i adran gwasanaethau cymdeithasol awdurdod lleol wella'n sylweddol.

Yn y dyfodol, os byddwn yn penderfynu bod adran gwasanaethau cymdeithasol yn ‘wasanaeth y mae angen ei wella'n sylweddol’, byddwn yn hysbysu'r awdurdod lleol ac yn cyhoeddi llythyr yn seiliedig ar hyn.

Mae hyn yn adeiladu ar ein gwaith presennol i fonitro a gweithio'n agos gydag awdurdodau lleol pan fydd angen gwneud gwelliannau sylweddol.

Rydym hefyd yn symud o'r cylch o gynnal arolygiadau gwerthuso perfformiad bob pum mlynedd. Yn hytrach, byddwn yn parhau i fonitro ac arolygu gan ddefnyddio amrywiaeth ehangach o adnoddau i adolygu perfformiad. Mae hyn yn rhoi mwy o hyblygrwydd i ni wrth i ni barhau i weithio mewn partneriaeth ag eraill.

Rydym yn addasu ein rhaglen arolygu i roi pwyslais ar adolygiadau thematig cenedlaethol, gan hyrwyddo dysgu ar y cyd ar draws y sector. Gall hyn gynnwys pynciau fel gwasanaethau mabwysiadu rhanbarthol, arferion comisiynu a diogelu yn y dyfodol. Felly, byddwn yn gweithio'n agosach gyda phartneriaid ac arolygiaethau eraill ar y gwaith hwn.

Mae ein cod ymarfer ar gyfer arolygu awdurdodau lleol wedi cael ei ddiwygio i adlewyrchu'r newidiadau hyn.