Aelod o'r Bwrdd Cynghori Cenedlaethol
Pwy ydw i?
Rwy'n byw yn Abertawe gyda fy mab ifanc. Roeddwn i'n arfer gweithio fel cyfreithiwr teulu a gofal plant; dechreuais mewn practis preifat ar y stryd fawr yn ne Lloegr yn cynrychioli rhieni, cyn dychwelyd adref i weithio i awdurdod lleol ar achosion gofal ac achosion mabwysiadu. Rwy'n siaradwr Cymraeg (wel, yn ddysgwr lefel uwch, beth bynnag!) ac yn mwynhau mynd am dro, pobi a chanu'r piano i ymlacio.
Beth ydw i'n ei wneud?
Rwy'n Bennaeth Polisi a Materion Cyhoeddus ar gyfer Comisiynydd Plant Cymru. Rwyf wedi bod yn gweithio i Gomisiynydd Plant Cymru ers 2015, gan ddechrau fel Cynghorydd Polisi ar Wasanaethau Cymdeithasol, Cymunedau a Chyfiawnder. Roeddwn yn gyfrifol am arwain prosiect y swyddfa ar brofiadau plant o ofal preswyl yng Nghymru, a luniodd adroddiad o'r enw Y Gofal Cywir, a'r prosiect ar y cymorth sydd ar gael i'r rhai sy'n gadael gofal pan fyddant yn dod yn oedolion, a luniodd yr adroddiad Breuddwydion Cudd. Roeddwn yn gyfrifol hefyd am arwain adolygiad ffurfiol o Lywodraeth Cymru mewn perthynas â pholisïau addysg yn y cartref ac ysgolion annibynnol yn 2021.
Fy meysydd o ddiddordeb a/neu brofiad
- Y sail gyfreithiol dros wneud penderfyniadau i blant sy'n cael gwasanaethau gofal a chymorth
- Adolygu polisïau a chanllawiau a rhoi cyngor arnynt
- Gweithio gyda phlant a chynrychioli eu barn a'u profiadau
- Hawliau dynol plant
- Dehongli deddfwriaeth a chanllawiau mewn amgylchiadau ymarferol, a'u cyfleu mewn iaith syml.
Beth sy'n bwysig i mi
- Cynnwys plant a phobl ifanc mewn gwaith mewn modd ystyrlon
- Rhoi gwybodaeth glir a hygyrch i blant a theuluoedd, gan gynnwys cydnabod dewisiadau iaith
- Uno meysydd gwaith ar draws sectorau, o'n safbwynt ni fel sefydliad amlsector cenedlaethol
- Gweithredu mewn modd rhagweithiol gan gydymffurfio â hawliau plant ac anelu at ddarparu gwasanaethau mewn ffordd sy'n ystyried hawliau.